Este proxecto xorde coa idea de impulsar diferentes accións de formación xuvenil (educación non regrada), como instrumento de apoio á educación formal dos mozos.
Ao mesmo tempo este proxecto formativo ten a idea forza de xerar un espazo a partir do cal, xurdan novas iniciativas no sector xuvenil.
Entre os seus obxectivos destacan:
- Crear un punto de encontro e formación para a xuventude do territorio.
- Facilitar a realización de accións formativas nos campos da animación xuvenil e tempo libre e nas áreas transversais de xuventude cubrindo os seus intereses e necesidades.
- Crear vínculos entre os participantes e de cara á comunidade.
- Lograr que a mocidade se involucre no movemento comunitario e en novos proxectos xuvenís.